Casa Luca (已結業)

之前见到有comment话店员唔识冲咖啡觉得好好笑，点知我遇到嘅系繁忙时间冲唔到有热奶类嘅咖啡，我作为一名barista真系觉得又嬲又好笑。既然你哋会嘥时间去磨豆，嘥时间去填平咖啡粉，嘥时间去将手柄扣上咖啡机去冲煮咖啡，点解唔可以多少少时间去打奶泡。。。你哋悭咗嘅呢少少时间，我唔知点解啲食物仲要等成7个字先有，系多客架啦，我去过好多更多客嘅地方都唔洗等咁耐。我叫咗杯冻latte，正常嚟讲杯咖啡系唔会帮客人落糖水，除非客人要求，店员亦冇问我要唔要糖水，咁当我衰，冇讲唔要糖水。。。食物方面：叫咗个黑松露意粉，和牛汉堡set，汉堡都叫做好食，薯条亦都唔错，意粉闻落好香黑松露味，食落cream味较重，冇咩黑松露味道，而且越食越咸，食到一半真系食唔到落去，我都唔想浪费食物，但真系食唔到。