影片
更多
2014-09-07
11308 浏览
好耐无同班旧团友一齐食饭，约得成事都喺多得大家合作，事关当中有做教师嘅，成日忙到飞起，做家长嘅就更加唔使讲。映月楼新装修后都未嚟过，所以，既就大家方便，又一向对美心中菜有一定信心，再者，啱啱同汇丰做紧个套餐推广，觉得都啱食，定价唔贵，所以，好快就定实晌映月楼一聚。个套餐「龙虾、冬瓜盅、海斑宴」属全包宴（包茶位、加一及指定数量饮品），不过，又另外收番前菜钱，而且，我哋7个人点半席，大集团即喺大集团，当然收番足额外多出一个人嘅茶钱（$13）。用汇丰卡，就额外平多少少，85折，就以我哋平日半围计，只喺$975，连甜品共9道菜，由于女多男少，都够我哋7个人食。环境方面，比以前高雅咗，多组大型水晶灯，但枱櫈排得有啲密，加上我哋被安排坐得较入，近厨房通道出口位，所以，靓景欠奉。前菜 $15依兜仔就喺要收番钱嘅炸鱼仔花生，4人一兜，7个人就放低两兜，等人打牙骹时嘅香脆零食。一见钟情 $26全包宴半围包一渣橙汁，不过，每人都喺分得半杯。其实同枱女生都唔好喜欢汽水、果汁之类冻饮，反而花茶啱佢哋多啲，从饮品餐牌中拣嚟依款「一见钟情」，实际唔知喺乜，问个侍应佢都只喺话一球球𠮶类花茶。透明玻璃壶内，一球绽放嘅
个套餐「龙虾、冬瓜盅、海斑宴」属全包宴（包茶位、加一及指定数量饮品），不过，又另外收番前菜钱，而且，我哋7个人点半席，大集团即喺大集团，当然收番足额外多出一个人嘅茶钱（$13）。用汇丰卡，就额外平多少少，85折，就以我哋平日半围计，只喺$975，连甜品共9道菜，由于女多男少，都够我哋7个人食。
环境方面，比以前高雅咗，多组大型水晶灯，但枱櫈排得有啲密，加上我哋被安排坐得较入，近厨房通道出口位，所以，靓景欠奉。
前菜 $15依兜仔就喺要收番钱嘅炸鱼仔花生，4人一兜，7个人就放低两兜，等人打牙骹时嘅香脆零食。
一见钟情 $26全包宴半围包一渣橙汁，不过，每人都喺分得半杯。其实同枱女生都唔好喜欢汽水、果汁之类冻饮，反而花茶啱佢哋多啲，从饮品餐牌中拣嚟依款「一见钟情」，实际唔知喺乜，问个侍应佢都只喺话一球球𠮶类花茶。透明玻璃壶内，一球绽放嘅花叶，外观唔算好漂亮，但味道几幽香。
芝士上汤焗龙虾（伊面底）整个全包宴嘅菜式都几平实，绝大部份菜式都无乜花巧嘢，就以第一道上场嘅菜式焗龙虾，芝士上汤焗，加伊面底，酒席常见菜式。半席，所以只有半只龙虾，虾肉几鲜爽，最钟意佢个汁，稀杰度啱啱好，啲伊面挂满汁特别好食。
云耳胜瓜炒鱼崧啲菜式唔只平实，有啲感觉仲好家常，云耳胜瓜炒鱼崧好多上一辈妈咪都识整，云耳好爽脆，胜瓜煮得腍，但外层仲有少少脆口感，而鱼崧好香鲮鱼味，整体感觉就好似食紧屋企饭。
金衣花姿球其实喺花姿丸，外皮沾满碎腐皮，经油炸后，腐皮变得香香脆脆，花姿丸好浓墨鱼味，一碟有10粒，唔会半围得6粒咁小家。
锦绣冬瓜盅 / 海皇冬茸羹汤羹有两个选择，我哋要咗后者，一窝冬茸羹够分7碗，海皇就只有虾仁，汤内除蛋花，仲有啲冬瓜茸，成个汤羹都比较清。
鲍螺腐卷伴翡翠虽然唔喺鲍鱼，但个螺片外观及质感都做得几似模似样，加埋淋上嘅鲍汁，够浓稠，真喺有七、八食鲍鱼嘅感觉。而腐卷喺以鱼腐炸成再切片炒，跟上面个鱼崧劲似，味道OK咁啦。
清蒸花尾趸食鱼以清蒸最能体现鱼嘅鲜味，由于条鱼唔喺好大条，所以，较易蒸得全熟而唔过笼，确实鱼肉几鲜嫩，好新鲜清甜。
瑶柱杞子泡菜苗主要都喺食啲翡翠苗，青绿嘅翡翠苗以上汤泡浸，入口脆嫩，之不过，瑶柱丝及杞子似喺少少点缀，对道菜个食味无乜大贡献。
草菇酱油鸡最后一道热盘，酱油鸡不论卖相，抑或味道，都跟豉油鸡极之相似，虽然无惊喜，唯功夫扎实，味道富酱油香，皮薄爽口，鸡肉嫩滑。
鱼形芒果布甸合格，因为真喺做到基本，布甸挺身唔削，有芒果味，但唔喺超浓郁𠮶只，芒果肉亦唔多，如好彩会分到一、两粒，外型都只不过揾模做，唔觉喺咩卖点。另外，附上一小壶牛奶，无错，喺牛奶，唔喺花奶，总喺无咁夹。
以一向嘅美心中菜而言，今晚嘅招呼略为逊色啲，似喺唔够人手，还是今日突然爆满，简单斟茶递水都要等好耐，还好喺礼貌搭够。总结一句，整个套餐嘅所有菜式俾人印象唔深刻，有种浮光掠影嘅感觉，但一般而言，份量足晒秤，好够食，对食要求唔高，或者，无特别话要试吓新嘢、特色嘢，我觉得晌尖沙咀，又有个咁好环境，依个价位都算抵食嘅。
张贴
