Odelice! (海之戀商場)

为庆祝宝贝仔最尾一年做小学鸡，开学日当然要去食餐好既。前几年宝贝仔太细个，唔可以乖乖坐定定享受美食，家阵大个仔终于可以陪我慢慢食丰富既法国餐。晚市2人套餐有2个餐汤+2个前菜+2个主菜。餐汤冇得选择但前菜有8款可以选择；宝贝仔选左佢钟意既海鲜 - 空运黑青口；我就选左比较特别既生牛肉他他汉堡。黑青口虽然体积唔算好大只，但肉质好鲜甜，每只都带有淡淡既海水味。生牛肉他他汉堡，碎牛肉伴上切碎酸黄瓜及洋葱，配埋新鲜蛋黄，口感丰富亦能食出食物既原汁原味。而主菜方面，食肉兽既宝贝仔点左阿根廷安格斯牛脊肉；我就要左更加邪恶既煎鹅肝配油封鸭腿意粉。牛脊肉搭配芦笋同烧薯仔粒，再沾上鸭汗砵酒酱汁，简直系完美既配搭。香煎鹅肝有一股非常诱人既香味，入口即溶，细腻滑润，再配埋油封鸭腿，绝对令人食欲大增。