牛牛日式火鍋放題 (海之戀商場) (已結業)

今日冇食早餐，中午十二点左右去到海之恋，即使今日己稍回暖，仍心郁郁想食日式火锅放题，决定就去呢间食啦，入到去餐厅客人唔多，拣好左汤底同套餐就好快入座呢度有60分钟定量，60/90分钟火锅放题套餐，自已唔想食得过急就拣左90分钟$198特选牛炙套餐同胶原猪骨锅汤底，呢个套餐包左丹麦豚肉，特级牛胸腹同美国特选牛，可以QR Code落单任点任食，牛胸腹同特选牛色呈粉红同光泽，肉同脂肪比例均匀，食落牛肉味好重冇骚味，丹麦豚肉肥瘦比例啱啱好，都几有猪肉味，不过都系比牛肉逊色少少食左咁多肉当然要食返多啲蔬菜消化下，自助区拎左羽衣甘蓝，娃娃菜，生菜，莴笋，金菇等蔬菜，全部几新鲜同索哂汤底味道，另外，再食左少少墨鱼丸，鱼蛋，芝心丸，蛋饺，加埋水晶薯粉同乌冬，食埋呢啲自助火锅配料已经饱哂，最后，梗系食埋自助区甜品雪糕棉花杯，雀巢雪条同hagendaaz雪糕为今餐火锅放题划上句号海之恋有好多高质食肆，呢间日式火锅放题套餐性价比极高，虽然得90分钟享餐但食得好舒服，去到下午一点几客人又唔多，绝对值得encore黎食！