全記海鮮菜館

营业中

休息中

呢排好想食海鲜 🤤 所以特登同朋友孖公仔去咗西贡码头食 😍 码头有两间海鲜酒家一间系洪记另一间系全记，两间啲嘢都好似差唔多，2 人套餐分别系 $488 两位同 $248 一位。最后拣咗全记因为见佢有米芝莲推介，就试下佢系唔系浪得虚名 ; 叫咗个 2 人套餐，拣咗特浓芝士焗龙虾、古法椒盐鲍鱼、香蒜椒盐墨鱼、蒜蓉粉丝蒸元贝。餐前小食系蚕豆同花生。特浓芝士焗龙虾 : 芝士汁虽然好多，不过芝士味好普通，普通到一个点 😂 同埋说好的焗呢？🤔 感觉似系开边龙虾加芝士汁。古法椒盐鲍鱼 : 鲍鱼上铺满了椒盐，洗得几干净之剩鲍鱼肥美肉厚，入口一啲都唔韧。👍🏻蒜蓉粉丝蒸元贝 : 蒸既时间撑握得几好，元贝食落一啲唔韧，而且都洗得几干净。👍🏻香蒜椒盐墨鱼 : 墨鱼爽口弹牙，香蒜椒盐脆口又惹味。👍🏻另外每枱都会奉送油菜一碟同生果 / 糖水，整体嚟讲算唔错，而且每样食物上枱时都系热辣辣。