三巡海南雞飯 (已結業)

今日中间有个短短既lunch time，由于太赶时间，都唔谂咁多，系food court食就算，由于个人都未训醒，胃口都未开，所以唔想食饭，steak，肉个类物体，又唔想食日本野太寡，所以经过「三巡」见到佢有个新推介，写住海南鸡河粉，咁就叫左个黎食啦。时间实在非常迅速，眨下眼就有得食，佢个外表就几好，食落去就普通啦。只鸡好滑，而且一D都唔肥，但就觉得佢味道偏淡，无咩味，所以一定要掂酱汁食先得。因为唔食得辣，所以只系拎左黑酱油同姜茸，个人就觉得黑酱油好D，同个鸡既味道比较夹，有少少甜甜地，姜茸就唔好食，又系无味既，掂完都好似无掂咁。河粉好滑，但汤底味道都系淡左D，成碗野变左都几清淡......我谂我下次食都系乖乖地食返海南鸡饭至啱，忽然好怀念两星期前系BANGKOK食只系价值$10既超美味海南鸡饭.......