馬六

营业中

休息中

今日想食贴近平民价既午餐（即系唔想过100，唔想有加一服务）。有时经过太安楼外面，见到有三间分别食台湾、东南亚同越南嘢既餐厅拍住上（有时见其他区都有分店），三间都拎晒飞等位，就拣一间快既。等既过程，马六有个员工几好问几位，帮手睇下座位情况，等左约5分钟内，有个卡位。之后先发现其实可以提早用apps早啲拎定飞。喺等既时候睇定餐牌有咩食。东南亚美食我会谂起海南鸡、叻沙。马六有个叻沙系海南鸡渗掺，满足到我可以一次过食晒海南鸡同叻沙既愿望，加上可以拣米粉混油面，或者只系米粉或油面。午餐连热饮$72。咖啡奶茶系东南亚既白咖啡同拉茶，可以拣甜度。叻沙第一口食落有少少辣，但食落唔算好辣，系开胃辣。汤既椰浆味偏重既。米粉混油面软硬度都可以。海南鸡几嫩滑，不错。拉茶拣左少甜，因为我唔系食好甜既人，所以觉得少甜都偏甜。差啲忘了值得一提既系，碗面只鸡蛋几好食，竟然系糖心蛋。见隔离位叫海南鸡饭，酱料几满几多，饭同鸡份量都算大。觉得下次再去既话，可以试下。