Sedap Malaysian Delights (已結業)

今日收工去中环接个朋友放工，顺便叫佢请我食饭，佢带咗我嚟中环中心附近嘅SEDAP， 呢间餐厅主要系食马来西亚野。海南鸡 (半只) $138 份量一d都唔少，鸡肉嫩滑，皮又薄，无乜肥膏，真系好好味呀。两个人share食，份量啱啱好。鸡油饭 $18 食海南鸡点少得鸡油饭，当然要叫返个，咁先够match！米纸脆春卷 $32 有两条，开半，即系有四粒，粒粒都好脆卜卜，够惹味，配合个酸酸地既酱，中和返油腻感，一流。马来沙嗲鸡串 $32烧得唔会干身，鸡肉仲好juicy，表面有好浓郁既沙嗲酱，仲可以配埋个饼食，正呀！马来西亚肉骨茶 (皇帝骨) $93 肉骨茶味好浓郁，带有比较强嘅药材味，仲可以无限refill，抵饮呀！仲可以拣唔同部位嘅骨，我哋今次就试咗皇帝骨，都好多肉呀！咖央多士 $22 烤得几脆，薄薄的多士，唔会heavy，咖央椰香味重，好有马来风味。总结来讲，呢个价钱系中环食饭都算经济实惠，知道咁多野，埋单都系三百几蚊，即系每人百零蚊，都几抵食呀。