影片
更多
2024-09-06
400 浏览
Chatterbox Café (AIRSIDE)••••••••••••••••••••••••••••••✄( •8• )✄( •8• )✄( •8• )✄( •8• )♥️餐点：•文华海南鸡饭 $138•白胡椒肉骨茶配饭 $118另收加一服务费••••••••••••••••••••••••••••••♥️食评：呢间Chatterbox Café之前喺K11 Musea见到就已经想试吓，今次嚟到Airside见环境好靓，就试吓啦～入到去餐厅装修好靓，睇得出有用心布置，无谂过食新加坡菜嘅餐厅都有打卡位，枱与枱之间好多空间，坐得好舒服。而且当日所有员工嘅态度都好好，非常有礼貌，未食嘢已经好加分！今次试晒两样我自己最钟意嘅新加坡菜式，分别系海南鸡饭同肉骨茶。海南鸡饭加$10可转鸡髀，今次虽然无转但鸡肉已经非常嫩滑，鸡肉份量较其他餐厅多，而且好有鸡味，肉同皮之间无肥膏，唔会有肥腻嘅感觉，但同时保留到鸡皮香气，亦够爽弹。饭唔会油，有调味，够香口。酱汁有三款，亦有一碗汤，汤清淡，成个餐都几好味。肉骨茶则有三至四块肉，配菜有蒜头金菇豆卜及油炸鬼，跟一碗白面。份量绝对够一位男士享用，肉一啲都唔柴，汤
••••••••••••••••••••••••••••••
✄( •8• )✄( •8• )✄( •8• )✄( •8• )
♥️餐点：
•文华海南鸡饭 $138
•白胡椒肉骨茶配饭 $118
另收加一服务费
••••••••••••••••••••••••••••••
♥️食评：
呢间Chatterbox Café之前喺K11 Musea见到就已经想试吓，今次嚟到Airside见环境好靓，就试吓啦～
入到去餐厅装修好靓，睇得出有用心布置，无谂过食新加坡菜嘅餐厅都有打卡位，枱与枱之间好多空间，坐得好舒服。而且当日所有员工嘅态度都好好，非常有礼貌，未食嘢已经好加分！
今次试晒两样我自己最钟意嘅新加坡菜式，分别系海南鸡饭同肉骨茶。
海南鸡饭加$10可转鸡髀，今次虽然无转但鸡肉已经非常嫩滑，鸡肉份量较其他餐厅多，而且好有鸡味，肉同皮之间无肥膏，唔会有肥腻嘅感觉，但同时保留到鸡皮香气，亦够爽弹。饭唔会油，有调味，够香口。酱汁有三款，亦有一碗汤，汤清淡，成个餐都几好味。
肉骨茶则有三至四块肉，配菜有蒜头金菇豆卜及油炸鬼，跟一碗白面。份量绝对够一位男士享用，肉一啲都唔柴，汤底就唔系走重胡椒味嘅风格，小朋友都食到，味道唔错。
••••∩ ∩••••••••••••••∩ ∩•••••••••••••
✄( •ω• )♡( •8• )✄( •ω• )♡( •8• )✄
Chatterbox Café (AIRSIDE)
九龙城启德协调道2号AIRSIDE B1楼B114号舖
#cony去启德 #cony食鸡 #hkfoodie #海南鸡#ChatterboxCafé
••••••••••••••••••••••••••••••
张贴
