爺爺雞飯 (金百利中心) (已結業)

嚟开铜锣湾呢边都会知道金百利有劲多嘢食。不过食物嘅质素会有啲参差。今日就嚟食咗间爷爷鸡饭，就真心推介。佢主打系东南亚同星马泰嘅食物。入到嚟装修新簇簇，加上播音乐，感觉好舒服。至于食物方面我哋嗌咗爷爷海南鸡饭拼新加坡叻沙渗渗。海南鸡大大件，味道又非常好，加埋佢哋嘅海南鸡酱汁真系一流。但系嗌呢个餐另外一个原因系因为佢有双拼。佢嘅星加坡叻沙汤底真系饮得出用海鲜去熬制，非常浓郁。我另外一个餐我哋就嗌左槟城椰香咖哩鸡饭配肉骨茶。因为想试吓佢哋其他东南亚嘅风味。肉骨茶都真系好足料，有油炸鬼，猪骨，腐竹，猪骨，冬菇。咖喱鸡饭配埋个蛋捞晒啲咖喱汁，送饭一流。要提提大家跟餐嗌嘢饮，仲有半价优惠。我哋就见食咗咁多嘢专登叫咗个黄金大麦茶嚟消滞。我哋都系贪心想试埋个咖央多士来作结。多士烘得啱啱好，非常香脆，配埋入面嘅咖央好正。Openrice pay比钱仲有优惠啊！抵食！