Bugis@叻沙・海南雞飯

营业中

休息中

今日陪阿妈行下 D2 place，行到咁上下就去3楼睇下有咩食，见到呢间对上一次行都未见过所以就谂住食呢间试下，我地7点半左右去到，好快就入得。个名都写住海南鸡饭就紧系试下佢个新加坡无骨海南鸡饭，肉质几嫩滑，油饭粒粒分明，个汤仲几清甜有d栗米粒系度，唔会好油腻。呢个餐仲可以配一个小食，我拣左惹味沙嗲鸡肉串，个沙嗲汁都几好唔会好辣，鸡肉都算嫩。然后配左一个免费饮品，冻既清新桔仔特饮，一开始觉得清新得黎带点涩，愈饮愈甜，可能系我无搞好😂，但都几钟意饮。本来谂住嗌娘惹陈醋金沙骨饭，但点知卖哂，所以就嗌左醒胃冷乌冬配香茅鸡扒。乌冬配料十足，酸菜好正，唔会话好酸，下低有d清汤都系酸酸地，成个感觉系好开胃，如果个乌冬再冷啲就更正。香茅鸡扒就外脆内软，肉质嫩滑。呢个套餐仲有碟唐生菜送，不过味道有d辣辣地。另外仲追加左个小食，南乳鸡翼，南乳味十足，新鲜香脆肉质嫩滑，回味无穷。呢个就配左冻既清热罗汉果水，甜中有点苦，如果罗汉果味可以重啲就更好，不过可能要热先会重味啲。总括黎讲，一个套餐可以食到好多野好多元化，好满足，食物质素都高，值得一试。