Mee...lemongrass (已結業)

我又黎马鞍山揾食啦，食饭时间多人，行行下见到呢间门面好大，未算好多人，加上新开就试下啦。个名有海南鸡饭，我谂一定系最好食， 一定要食，鸡好嫩滑，有鸡味，鸡油饭有葱香，鸡汤清甜唔油腻，酱汁有两款，酱油靓带出鲜味，另一款汁酸辣好醒胃，加上菜心，营养更平均啦。马来蔗虾炸得大件仲好脆口，啖啖都虾肉真系好满足，酱汁似泰式鸡酱，加埋米粉食无咁热气。MEE...脆香鸡翼沙律，鸡翼外脆内软，沙律酸辣够开胃。香芒椰汁糯米饭 糯米好软糯韧，芒果够甜，正。