Puppuccino

营业中

休息中

Item: Puppuccino
Rating: 4
Author: sindylam10

4.5

119 食记

味道

环境

服务

卫生

抵食

4508

将军澳

$201-400

西式素食沙律少盐少糖食店动物友善餐厅

资讯:
餐厅:	Puppuccino

为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

sindylam10

等级4

137

今日去将军澳探朋友，跟住再一齐出嚟海旁附近食嘢，行吓行吓发现开咗一间新嘅餐厅，装修都几靓，而且位置望落去都坐得好阔落同舒服。所以我哋决定试一试呢一间，餐厅有分户外同埋室内，由于当晚天气比较冻，所以我哋决定坐室内，如果唔系天气唔许可，一定会拣户外，感觉会更加chill！我哋入到餐厅已经见到有几台客人，有一半嘅客人都有带狗仔，而且餐厅职员都会同啲狗仔玩，可以睇得出大家都好爱锡动物，呢间真系一间Pet Friendly嘅餐厅！食物方面，呢间餐厅主打一啲fushion 菜，例如韩式泡菜烟肉炒肠粉、慢煮三杯鸡意大利煲仔饭等等，呢啲都系一啲中西合璧嘅菜式，听落去都觉得好得意，但唔知食落好唔好味。所以我哋决定叫咗个韩式泡菜烟肉炒肠粉嚟试吓，仲有墨西哥粟米脆片配牛油果酱同埋珍宝龙虾尾配三文鱼子明太子意粉。韩式泡菜烟肉炒肠粉将平时会见到嘅韩式年糕改成肠粉，味道都好夹，肠粉仲可以吸到啲酱汁，比起年糕更惹味👍🏻 珍宝龙虾尾配三文鱼子明太子意粉绝对值得推荐，龙虾肉好弹牙，而且三文鱼籽同埋明太子酱都好充足，每一啖都可以食到三文鱼籽同明太子嘅味道🤩

今日去将军澳探朋友，跟住再一齐出嚟海旁附近食嘢，行吓行吓发现开咗一间新嘅餐厅，装修都几靓，而且位置望落去都坐得好阔落同舒服。
所以我哋决定试一试呢一间，餐厅有分户外同埋室内，由于当晚天气比较冻，所以我哋决定坐室内，如果唔系天气唔许可，一定会拣户外，感觉会更加chill！
我哋入到餐厅已经见到有几台客人，有一半嘅客人都有带狗仔，而且餐厅职员都会同啲狗仔玩，可以睇得出大家都好爱锡动物，呢间真系一间Pet Friendly嘅餐厅！
食物方面，呢间餐厅主打一啲fushion 菜，例如韩式泡菜烟肉炒肠粉、慢煮三杯鸡意大利煲仔饭等等，呢啲都系一啲中西合璧嘅菜式，听落去都觉得好得意，但唔知食落好唔好味。所以我哋决定叫咗个韩式泡菜烟肉炒肠粉嚟试吓，仲有墨西哥粟米脆片配牛油果酱同埋珍宝龙虾尾配三文鱼子明太子意粉。
韩式泡菜烟肉炒肠粉将平时会见到嘅韩式年糕改成肠粉，味道都好夹，肠粉仲可以吸到啲酱汁，比起年糕更惹味👍🏻 珍宝龙虾尾配三文鱼子明太子意粉绝对值得推荐，龙虾肉好弹牙，而且三文鱼籽同埋明太子酱都好充足，每一啖都可以食到三文鱼籽同明太子嘅味道🤩