CHI Tachinomi (7號碼頭)

营业中

休息中

平时喺尖沙咀过海我都偏好坐船，呢日喺尖沙咀整完头发，约咗男朋友喺中环码头接我，一齐去买圣诞礼物抽奖😂唔知系咪因为大半日都未食过野，太肚饿，落船𠮶阵头晕眼花兼想呕🙈即刻要揾野食医肚之际，一出中环码头就见到间好有日式风味既小店，有饭有串烧食，仲有酒饮，二话不说拉男朋友坐底陪我医肚。小店以吧台座位为主，放满多款不同既酒，生啤/烧酌/清酒/吟酿都有，对住开放式厨房同海景，听住JPOP，饮番两杯，感觉好写意。土手烧饭 土手烧原来则系牛根煮，牛筋连住不少牛肉，口感软腍得黎又带点咬口，食落胶质几重，牛味浓郁。鳗鱼饭 鳗鱼份量多，肉质厚身，外皮带点焦香，好惹味，入口啖啖肉，鳗鱼烧汁香香甜甜，好开胃。美国一口牛肉粒牛肉粒嫩滑，肉汁丰富。玉子烧新鲜滚热辣上枱，味道香甜，由于玉子唔系片状，四四方方更有口感。饮品除左酒类，仲有茶可以拣。