影片
更多
2020-10-19
253 浏览
原本谂住同朋友去楼上铺食西餐汉堡包，但朋友话好耐冇去过饮茶，于是即刻打电话去海港荟book枱。由于未去过海港荟饮茶，所以一上到去，即刻被无敌嘅海景吸引住，再加上时间尚早，11:30刚开门，只得三几台客，酒楼知客原本想带我哋坐近门口位，我同朋友𠇹自走去坐近窗口第二行坐下。海港荟嘅环境真系无得输，落地大玻璃，再加上限聚令下枱同枱之间间得十分濶落，空间感十足，但我同朋友都觉得点心纸嘅食物选择并不十分丰富。南美花胶螺头汤。呢个汤系足料嘅，有数片花胶同小螺头，但师傅唔知系咪重手得滞，落多咗盐个汤好鬼咸。鲍鱼花胶灌汤饺。而家酒楼都好少有灌汤饺叫，再加上有鲍鱼同花胶，有啲期待，但好可惜呢个同螺头汤啱啱相反，好淡味，最后我同朋友决定将两个汤捞埋一齐饮，味道反而啱啱好🤣🤣🤣黑毛猪叉烧包。见OpenRice好多人都叫，所以试吓，个包皮虽然唔够软熟，但个叉烧肉质好嫩滑，肉汁丰富，用黑毛猪做果然唔同啲。蟹粉小笼包。小笼包个皮比较厚，内里的蟹粉只有少许，同普通嘅小笼包冇乜分别。XO酱炒肠粉。肠粉虽然用煲仔上，但觉得师傅炒得唔够镬气，食落唔够热辣辣，有少少失望。另外仲叫咗澳洲带子凤眼饺同鲜虾锦卤云吞，两者味道都普
由于未去过海港荟饮茶，所以一上到去，即刻被无敌嘅海景吸引住，再加上时间尚早，11:30刚开门，只得三几台客，酒楼知客原本想带我哋坐近门口位，我同朋友𠇹自走去坐近窗口第二行坐下。
海港荟嘅环境真系无得输，落地大玻璃，再加上限聚令下枱同枱之间间得十分濶落，空间感十足，但我同朋友都觉得点心纸嘅食物选择并不十分丰富。
南美花胶螺头汤。呢个汤系足料嘅，有数片花胶同小螺头，但师傅唔知系咪重手得滞，落多咗盐个汤好鬼咸。
鲍鱼花胶灌汤饺。而家酒楼都好少有灌汤饺叫，再加上有鲍鱼同花胶，有啲期待，但好可惜呢个同螺头汤啱啱相反，好淡味，最后我同朋友决定将两个汤捞埋一齐饮，味道反而啱啱好🤣🤣🤣
黑毛猪叉烧包。见OpenRice好多人都叫，所以试吓，个包皮虽然唔够软熟，但个叉烧肉质好嫩滑，肉汁丰富，用黑毛猪做果然唔同啲。
蟹粉小笼包。小笼包个皮比较厚，内里的蟹粉只有少许，同普通嘅小笼包冇乜分别。
XO酱炒肠粉。肠粉虽然用煲仔上，但觉得师傅炒得唔够镬气，食落唔够热辣辣，有少少失望。
另外仲叫咗澳洲带子凤眼饺同鲜虾锦卤云吞，两者味道都普普通通，冇乜特别。
张贴
