阿閒泰 (世貿中心)

营业中

休息中

今日约咗朋友在铜锣湾下午茶，有一间泰国餐厅环景优雅宁静，在餐厅最入的位置有窗口位，仲对住个海，食嘢真系超正😍下午茶set嘅Menu唔贵，大概$50起，如果饱肚啲可以叫汤面或者饭大概60几蚊，已经有埋饮品猪肉浓汤船面： 可拣泰国幼面或米粉，我哋拣咗幼面！未食已经闻到香气四溢，而且碗面都好多料，有猪肉，肉丸，猪红，萝卜，通菜，个汤底原来用咗二十多种材料，再加上猪骨，鸭血，然后慢火煲，所以仲汤底特别浓味和鲜甜，甜中带微辣，面质爽滑弹牙。泰南白咖哩烧鸡扒饭：好香咖喱味，呢个系唔辣的，啱晒唔食辣嘅人👍🏻白咖哩汁配烧鸡扒，仲有咸酸菜伴碟。鸡扒大大块，味道腌得唔错，烧得好香好多汁嫩滑。蜂蜜咖啡：第一次饮咖啡沟蜜糖，估唔到饮落只味又几夹。可拣冷饮或热饮。今次试冷饮，甜度又适中，我好钟意😍柚悠：系加咗柠檬汁及西柚蜜糖嘅红茶，唔系好甜，味道好清新。