亮明居 (已結業)

星期五同个朋友食lunch，佢请左我去IFC II入面个间亮明居，起初以为食四川菜，点知当日既set lunch全都系fusion菜黎~ 不过无所谓啦，照试，于是我就叫左个芒果北寄贝牛油果沙律、人参响螺鸡汤、牛扒 (唔记得左个好复杂既名)、威士忌朱古力慕丝拿破仑。系等候食物既期间，发现原来呢度有落地玻璃海景view呢！整个感觉好舒服，就算系lunch，都唔会好多人、好逼或者好嘈~ 餐厅中间系bar位，应该夜晚可以黎饮野的~先黎个沙律，卖相相当唔错，先试沙律，我本身唔太钟意有白色沙律酱既沙律，但系呢个入口又唔错㖞~ 芒果肉唔酸，配有爽口既苹果同埋香滑既牛油果，口感同味觉唔错，北寄贝系沙律面，有少少沙律既鲜果味，好fresh，同平时系日本餐厅食个感觉好唔同~ 跟住黎个汤，估唔到个汤入面真系有好多汤料呢！汤略嫌味精味重左少少，如果唔系就几好~主菜系牛扒，仲唔到原来佢将件牛扒中间切开，加入唔同既菌系入面，再加埋个红酒煮连菌既汁，本身好钟意食菌类既我，简直爱上呢道菜！最后系个甜品，朱古力慕丝入面既威士忌味劲重！不过好香口，因为我钟意有酒味既甜品！ 个拿破仑同我想像既脆皮有出入，因为呢度原来系酥皮