霸王川莊 (iSQUARE國際廣場)

营业中

休息中

一直都好钟意喺isquare 食饭，好多餐厅都可以望住海景食午餐，宜家天气有啲冻，就拣咗间川菜试，佢哋嘅午市套餐超抵食，价钱$148-$178，包左小食霸王三小并，瑶柱鲜鱼羹，主食，丝苗白饭，八宝茶。霸王三小并叉烧偏肥，咬落去够淋，有猪肉嘅香味；凉拌黑木耳咬落去非常爽口，连埋少少碎蒜蓉粒嘅蒜香味；芦笋又清新又细嫩。瑶柱鲜鱼羹鲜鱼去左骨，切至细细粒，每一啖羹都食到鱼嘅鲜味，加埋少许瑶柱碎，提升鲜甜味，非常有水准。主食 - 四川双椒焖猪手🌶用咗红辣椒同埋青辣椒去焖，卖相充满色彩，猪手肉质爽口唔油腻，口感极佳。食得辣嘅朋友可以用辣椒加埋少许汁捞饭。主食 - 歌乐山辣子鸡🌶🌶🌶一上枱已经见到差唔多全盘都系辣椒，份量仲多过鸡肉，鸡丁炸过，酥香可口，突出的干香与麻辣味道令人垂涎三尺。八宝茶以玄米茶叶为底料，配菊花、红枣、枸杞、龙眼干等辅以冰糖，喝起来香甜可口，滋味独具，非常滋润养生。