極上千島櫻海景放題 (已結業)

今次听朋友介绍来到荃湾海之恋商场，喺商场3楼有间放题可以望住汀九桥同埋青衣，好靓嘅景观呀。食放题首先点㗎系刺身我谂大家都知㗎啦，睇下有啲咩食？有三文鱼，油甘鱼，吞拿鱼同埋黄色𠮶个叫做希灵鱼，跟住有赤贝，北寄贝，带子，虎虾，甜虾及赤虾，真系好多嘢食。当然呢啲唔系全部嘅刺身，除此之外仲有鲍鱼，长脚蟹荣螺，象拔蚌，鱿鱼，八爪鱼，、贵妃鲍片，仲有矜贵的柚子鲣鱼他他刺身，讲真，种类多又新鲜，系食呢啲已经回晒本/回晒本之后其实仲有好多嘢食，有寿司，有卷物，有一本料理，我会推介嘅系鲍汁烩花胶同埋蟹粥，劲大片的花胶食起上嚟零舍满足，鲜味的蟹粥，蟹唔大但有蟹羔同埋谂起喺澳门食蟹粥的美好时光。甜品就唔多，但以人头计每人一个movenpick已经好开心。