利寶閣 (已結業)

同媽咪食飯食咩？老一輩當然鐘情於中菜，我就同媽咪去左尖沙咀食利寶閣！鐘意餐廳環境夠大夠舒服，環境好！媽咪鐘意飲靚湯，我叫左一個佛跳牆，湯料勁豐富，仲有鮑魚！湯汁濃郁濃香，煲得夠火候又入味！谷飼豚叉燒飯加煎蛋！豚肉入口鬆化夠香口，唔鞋身味道好香濃好滋味！煎蛋有蛋漿最驚喜！順得魚腐煲，魚腐是我最愛啦，每一口都食到湯汁精華，入口爆湯汁夠濃香滋味！媽咪鐘意清淡菜式，賽螃蟹夠簡單，蛋香好滑溜帶咸香！蛋味清清的可以配白飯！