澳瑪葡國菜 (已結業)

朋友带我嚟食海景晚餐星期五晚上心情特别靓，仲见到可爱B·Duck喺门口添！星期五晚人头涌涌咁，好彩朋友有订位，咁就坐到海景位香港既夜景真系无得输，睇几多次都唔会厌架。呢度既餐具好靓，好有艺术感。一人叫咗一杯Sangria，好饮，喺维港夜景衬托下，咩都好饮啲。呢度啲沙律份量超大，而且用料新鲜，配搭清新，大爱。期待既龙虾可惜有少少overcooked，干身咗，如果唔系配合佢个味道应该好唔错！呢只烧鸡就认真失望啦，烧得太耐啦，又干又鞋，唔好食⋯⋯不过环境嚟讲呢度真系好唔错，虽然满座时真系嘈咗啲，但美景当前，座位宽敞，同朋友相聚都系一个好选择，只系如果佢啲main course都比返啲水准就会更好啦。