Ambrosia Oyster Bar & Grill (已結業)

第一次嚟呢间餐厅，有钢琴伴奏同超级无敌落地玻璃夜景，都几有气氛，但反而佢弹足成晚我就有少少眼瞓。环境各花入各眼，都系讲下嘢食啦！因为同朋友都比较细食，所以今晚嗌左一个套餐、一个意粉、一人两只生蚝就算，唔想食都撑住个肚 😛 侍应对每只生蚝都好熟悉，帮我地拣咗一只淡味，一只重海水味既。套餐忌廉汤麻麻哋冇乜特别。吞拿鱼沙律好有惊喜，紫菜同吞拿鱼好夹。散叫嘅意粉好香忌廉味，食多两啖就有少少济，好彩有啲蟹子同紫菜fresh一fresh，整体都唔错嘅。跟餐羊架肉质唔太嫩，我反而几欣赏佢嘅配菜，系奶烤薯仔，谂起以前系外国读书都会自己整😆 就好有回忆跟餐甜品都好特别，系用蚝壳装嘅柚子奶冻，临尾食返少少酸野就冇咁饱啦。