張公館

营业中

休息中

V point 开业左一排既中菜厅，除咗高质中菜，仲有海景，日落时间最吸引。讲到高质，服务都好到位，斟茶递水换碟，招呼周到。沙茶酱安格斯牛肉炒时蔬牛肉炒时蔬用上高级既安格斯，睇行头已经知高质。牛肉爽嫩，香浓沙茶酱味，时蔬清清地，两者互补。菌香酱蜜豆甜椒炒虾球大虾球好抢眼，红黄椒色彩丰富，蜜豆清爽，再用黑椒突出味道。川式口水云吞配糖心皮蛋热辣辣既云吞唔跟汤，配川式口水辣汁，即系红油抄手咁款。馅料丰富，一咬啖啖肉。糖心皮蛋一样唔输蚀，拥有香滑口感。桂花五色糕桂花，蜜瓜，士多啤梨，芒果同椰汁，味道层次丰富到一个点，而且视觉都攞晒分。