張公館

营业中

休息中

蟹粉扒时蔬上菜嘅时候见到满满嘅蟹粉真系呆咗，菜苗食落好嫩。蟹粉嘅味道几鲜，好香蟹黄味。搭配埋蔬菜，咸淡适中，食落唔油腻又唔觉好清淡。蟹粉小笼包佢系每笼一只，但一啲都唔细只。而且块皮好薄，轻轻咬一啖，啲汤汁即刻流出嚟，味道好鲜，蟹粉味道几浓，仲有啲猪肉嘅香味，两者混合得几好。食嘅时候要小心热，不过趁热食味道一定系最好。佢个蟹粉同蟹肉嘅分量一啲都唔少，仲多过猪肉馅～香炸虾枣 咬落去外皮好脆，可以感受到油炸𠮶个火候掌握得唔错，完全冇油腻感。内馅方面，虾肉味好明显，可以试到食材新鲜，仲有啲猪肉同埋蔬菜，口感丰富。上汤牛油大虾球煎脆米粉底 侍应话要腾空个位上菜仲心谂应该无咁大碟，点知上菜之后占咗半张台🤣🤣佢个脆面底好大份，同埋有种淡淡嘅米香味，就咁食都好好食！加埋个奶油虾球，带啲咸香嘅鲜味，大推！！红枣糕 食落去软软糯糯，红枣味十分香浓，唔系𠮶种加咗好多香精嘅甜，系比较自然嘅甜味，仲可以食到啲红枣碎，口感几丰富！