sips;;lban

营业中

休息中

今日去咗海港城一间极具人气嘅韩式Cafe，收藏咗呢间餐厅好耐，一直好想食佢哋嘅疏乎厘同刨冰。知道周末好爆满，所以决定平日过嚟，点知平日都系同样爆满😆。我试咗「汉堡扒全日早餐」。呢个早餐份量十足，搭配咗一块多汁嘅汉堡扒，配菜仲有煎蛋，三文鱼，牛油果，蘑菇，多士，营养搭配真系满足到早上嘅所有需求！味道上，汉堡扒外焦内嫩，配上浓厚嘅酱汁，简直系完美❤️。跟住我仲点咗「酥炸软壳蟹意粉」。呢道菜色彩缤纷，意粉煮得刚刚好，配上香脆嘅软壳蟹，口感真系非常丰富！蟹肉鲜甜，搭配意粉嘅酱汁，味道层次分明。最后，我试咗两款蜜瓜系列嘅甜品。「蜜瓜在初夏升温时」系一个清新嘅选择，里面有新鲜蜜瓜同啫喱，口感清爽，夏天食落去特别舒服。而「蜜瓜在沙冰降温时」就系一个蜜瓜味嘅cream沙冰，滑溜溜嘅口感，加上蜜瓜香气，完美组合。