影片
更多
2023-04-02
88 浏览
唔系见多人推介，真系未必留意到原来海港城对面都有间咁精致嘅Fine Dining餐厅～.虽然入口唔显眼，不过入到餐厅就会感受到𠮶种高级感。餐厅位置唔多，俾人感觉似高级私房菜嘅Fine Dining🤔.✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐✒懒人先睇总结.❀食物：食物好精致，唔少配搭都系出面未见过，觉得几有特色👍❀服务：所以碟都系热嘅就不在话下，店员都好细心介绍每道菜，上菜节奏把握得几好❀环境：餐厅唔算大，气氛浪漫，所以餐厅内大部份都系二人枱🤣❀价钱：有提供三款Menu👉 6 Course Menu $1,080 p.p.👉 9 Course Deluxe Menu $1,380 p.p.👉 9 Course Caviar Menu $1,680 p.p.我哋今次叫咗 $1,080 同 $1,680 比大家睇下个分别～.✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐✒有兴趣再详细睇.🎈Bread面包够热，配杏脯牛油、岩盐同醋。👉 芝士脆片 系酥皮酥脆嘅口感 我的最爱💖👉 Roll Bread 👉 香草蕃茄包.🎈Amuse Bouche用美国薯仔做成薯片，下面两层夹
唔系见多人推介，真系未必留意到原来海港城对面都有间咁精致嘅Fine Dining餐厅～
.
虽然入口唔显眼，不过入到餐厅就会感受到𠮶种高级感。餐厅位置唔多，俾人感觉似高级私房菜嘅Fine Dining🤔
.
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒懒人先睇总结
.
❀食物：食物好精致，唔少配搭都系出面未见过，觉得几有特色👍
❀服务：所以碟都系热嘅就不在话下，店员都好细心介绍每道菜，上菜节奏把握得几好
❀环境：餐厅唔算大，气氛浪漫，所以餐厅内大部份都系二人枱🤣
❀价钱：有提供三款Menu
👉 6 Course Menu $1,080 p.p.
👉 9 Course Deluxe Menu $1,380 p.p.
👉 9 Course Caviar Menu $1,680 p.p.
我哋今次叫咗 $1,080 同 $1,680 比大家睇下个分别～
.
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒有兴趣再详细睇
.
🎈Bread
面包够热，配杏脯牛油、岩盐同醋。
👉 芝士脆片 系酥皮酥脆嘅口感 我的最爱💖
👉 Roll Bread
👉 香草蕃茄包
.
🎈Amuse Bouche
用美国薯仔做成薯片，下面两层夹住鲜虾肉，面头再摆上caviar 同三文鱼籽～ Amuse Bouche 已经比到我非常精致嘅感觉！
.
🎈冷开胃菜
👉 九洲𫚕鱼配闪光鲟鱼子 • 柑橘酸奶油圣女果 • 黑皮鸡枞菌 • 胡瓜油醋汁 (9 course)
青瓜汁俾人感觉系清淡同fresh，作为开胃前菜，味道系最淡的～
.
👉 吞拿鱼马卡龙 • 夏威夷汁 • 黑鱼子酸忌廉汁 • 香草沙律 (9 course)
.
🎈热前菜
👉 香浓牛肝菌忌廉汤 • 羊肝菌清汤 • 普罗旺斯黑松露 • 杏黄菌 • 黑皮鸡枞菌 (6 & 9 course)
呢一个汤嘅层次真系非常复杂😂 店员介绍我哋可以先饮忌廉汤，饮一半再倒清汤落去，剩低一半清汤连埋菇一齐食。
.
虽然有黑松露泡沫，但味道唔突出，更多嘅系浓浓嘅牛肝菌味道。倒完清汤之后口感会轻盈左，但味道浓咗，而且好多菇系入边！咁多种饮法我都系中意最纯粹嘅忌廉汤，口感好creamy👍
.
👉 蒸龙虾烧卖 • 鲟鱼子酱 • 小龙虾龙蒿泡沫 • 墨鱼汁 (6 & 9 course)
店员介绍烧卖都系即叫即蒸，面头有金箔同Caviar，精致得来又觉得好矜贵😂 我觉得成个配搭系几好食嘅！旁边仲有泼落去嘅墨鱼汁，每只碟都唔同㗎～
.
👉 慢煮牛肋条布里欧 • 香橙烩甘笋 • 松露汁(6 course)
.
👉 脆炸天使阿根廷红虾 • 香浓椰菜花忌廉 • 巴马臣芝士 • 香草 • 西子香茅泡沫 (9 course)
.
🎈间场
👉 热情果雪葩 • 红石榴泡沫 (6 & 9 course)
.
🎈Main
👉 慢煮龙虾扇贝卷 • 黑鱼子 • 鲜嫩蔬菜 • 西洋菜忌廉清汤 (9 course)
龙虾同扇贝口感都好软淋，食到微微黑椒味道。个清汤虽然充当住酱汁嘅角色，但系就咁饮都OK！
.
👉 慢煮BBQ猪柳 • 烤红甜椒酱 • 茴香苗 • 牛油蚕豆 • 陈年黑醋(6 course)
猪柳肉味好重，里面微微嫩粉色～
.
🎈Dessert
👉 玛莎拉沙巴雍
用玛莎拉酒为主嘅甜品，柚子雪糕包住里面嘅烧香蕉。整体来讲酒香味唔算突出，反而感觉到奶香味🤔
.
👉 法式焦糖豆腐炖蛋配姜汁
好特别嘅甜品，因为一般焦糖炖蛋对我来讲都会过甜。呢款甜品焦糖底下系淡淡的豆味，所以唔会觉得好腻👍
.
🎈Petit Four
一上枱就见到仙气飘飘，上面摆放住一嚿云咁😂！打卡超靓！而且冻棉花糖口感好特别，口感比鱼蛋淋少少🤏
👉 菠萝汁雪葩棉花糖
👉 朱古力
👉 蛋卷
.
✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐ ✐
✒其他小资讯
👉订位：Openrice，易book!
👉优惠：经Openrice订位午市有5折，晚市有8折🤔
张贴
