影片
更多
2023-09-23
42 浏览
同个friend系海港城行完街，拣咗呢间望到维港海景的餐厅食饭，可惜我哋唔系坐海景位😅招牌海南鸡饭 拼 海鲜喇沙 $138不愧系招牌，鸡肉真系好嫩滑，而且好入味，连鸡皮都好滑溜。油饭偏干身，香而不油。鸡肉底下有层青瓜条，吸收哂鸡味，好好食😋海鲜喇沙有种属于海鲜的咸香味，滗起见到好足料，表层有虾，鱿鱼圈，鱼片同豆卜，底层有粗面，米粉同芽菜。喇沙味道辣辣哋，虾肉爽口弹牙，食落都好新鲜，底层的面吸收哂喇沙的鲜辣味，好好食，不过我怕辣所以只系食左少少🤏海南椰子鸡汤 $128上枱时跟埋一粒点咗火的蜡烛仔，所以个汤一直都keep住热。鸡汤饮落好鲜甜，鸡味浓郁，都饮到椰子味。最惊喜嘅系个汤会愈摆愈浓味，一上枱时饮已经觉得好有味，食完饭再饮个味竟然变得更浓郁。汤入面的鸡肉都好鲜嫩，即使热左一段时间再食，鸡肉都唔鞋唔韧，非常好食。卤水拼盘 $178(猪手、鸡脚、鸭蛋、豆腐、花生)猪手又大件又厚身，食落好软冧，猪皮位好香口。鸡脚的卤水味非常浓，口感柔软，皮同筋几乎离哂骨，轻轻嚼一两下好轻易就可以将骨吐出。鸭蛋的流心黄几乎流哂出黎，所以一上枱就要即刻食，蛋味配埋卤水真系又浓味又好食。豆腐同花生都吸收哂卤水的
招牌海南鸡饭 拼 海鲜喇沙 $138
不愧系招牌，鸡肉真系好嫩滑，而且好入味，连鸡皮都好滑溜。油饭偏干身，香而不油。鸡肉底下有层青瓜条，吸收哂鸡味，好好食😋
海鲜喇沙有种属于海鲜的咸香味，滗起见到好足料，表层有虾，鱿鱼圈，鱼片同豆卜，底层有粗面，米粉同芽菜。喇沙味道辣辣哋，虾肉爽口弹牙，食落都好新鲜，底层的面吸收哂喇沙的鲜辣味，好好食，不过我怕辣所以只系食左少少🤏
海南椰子鸡汤 $128
上枱时跟埋一粒点咗火的蜡烛仔，所以个汤一直都keep住热。鸡汤饮落好鲜甜，鸡味浓郁，都饮到椰子味。最惊喜嘅系个汤会愈摆愈浓味，一上枱时饮已经觉得好有味，食完饭再饮个味竟然变得更浓郁。汤入面的鸡肉都好鲜嫩，即使热左一段时间再食，鸡肉都唔鞋唔韧，非常好食。
卤水拼盘 $178
(猪手、鸡脚、鸭蛋、豆腐、花生)
猪手又大件又厚身，食落好软冧，猪皮位好香口。鸡脚的卤水味非常浓，口感柔软，皮同筋几乎离哂骨，轻轻嚼一两下好轻易就可以将骨吐出。
鸭蛋的流心黄几乎流哂出黎，所以一上枱就要即刻食，蛋味配埋卤水真系又浓味又好食。
豆腐同花生都吸收哂卤水的精华，又软又入味，不过我都系钟意硬身的花生😆
最中间的酸菜最得我欢心，我几乎自己一个人食哂成碟，味道酸酸甜甜，食落爽爽哋，送饭非常一流。
每枱都会有壶荔枝茶，饮落荔枝味非常醇厚，而且香味浓烈，我会想就咁买佢嘅荔枝茶😍
海南少爷 (尖沙咀)
尖沙咀广东道3-27号海港城海运大厦地下G16号舖
*上述文章只供参考及以当时价格为准
张贴
