Flames (海濱匯)

营业中

休息中

Flamess系观塘海滨附近一间新开嘅西餐厅，价钱唔贵，我最钟意佢半开放式设计，餐厅对出系一个有草地嘅平台，感觉relax得黎景观亦开扬。餐厅入口位有酒精搓手液，侍应亦会尽量安排食客分开坐，食得更放心。Flames有套餐亦有散叫，小食、主菜、甜品同饮品都有，价钱唔贵，份量都几多。黑松露薯条($48)薯条份量几多，足够两三个人食，薯条好香黑松露味，上枱时热辣辣。香辣炸鸡($78)香辣炸鸡一客都有成十件，都几饱肚。炸皮唔会太厚，入口几香脆，不过辣度只松bb辣，钟意食辣嘅我就觉得佢唔够辣。玛格麉塔披萨($78)披萨一客有四件，虽然话系小吃，不过饱肚度同主菜都差唔多。披萨上面有芝士、罗勒同番茄，味道比较清新，啱晒素食朋友。烧大虾配香草番茄汁扁意粉($158)扁意粉非常大份，一客都够两个人食，番茄味香浓好开胃，扁意粉软硬适中，上面有两只烧大虾，虾肉结实爽弹，整体唔错。总结，食物份量偏大，价钱亦公道，两个人嘅话建议点一个主菜加两个小食，因为如果叫两个主菜已经肚到反艇食唔倒其他嘢。