海皇粥店 (西菁街) (已結業)

住系元朗几年，海皇都搬左三次舖，又嘉诚搬去千式，而加又搬左黎喜尚喜隔离。有时想食下粥都会谂起佢，呢几日天气咁冻，食粥就啱晒啦。新舖位置～好似啱啱开系呢度？上星期行过都唔觉眼。墙边位满座，咁就坐圆枱啦，一个人霸张圆枱有啲唔好意思。枱上有调味品，枱边柜桶内有餐具，自助好方便。点了西洋菜双拼丸粥配油条半客，再加了热豆浆（$47）。个碗都几深，丸有六粒，西洋菜下得也多，份量足。双丸中其中一款系鲮鱼球，几爽口无腥味。另一款似系猪肉丸，不确定，哈哈，食落较“粉”。粥底咸香，食到尾都无出水，整体感觉不错。都已经系晚上九点多，油器不可能系新鲜吧，无淋无漏气就收货了，浸系粥入面都唔知几好味，食粥一定要有油炸鬼～食完粥仲口痕，多点了一客牛肉肠（$23）。即叫即拉的，肠粉软腍超多牛肉，最正系多芫荽，加埋甜豉油就系好味。热豆浆不太热，但豆味浓又不甜，几好饮。晚上九点半来到，见佢写住收十点，以为会赶客，点知又唔系㖞，大把客迟过我入黎都可以堂食，最夸张系有一枱九点五十分入到黎，叫左粥，炒面同肠粉，十点边赶得切呀，听啲员工倾偈讲话又要加班了，哈哈，不如改收晏啲啦。