海皇粥店 (西菁街) (已結業)

天气凉凉地，晏画去千色店海皇粥店开餐+行街，去到至发现搬咗去西菁街，好彩行去后面街咋😆除咗粥品、油器外，还有汤饭、汤面，连卤肉饭都有，够晒多元化👍番茄牛肉汤饭啲𩠌同饭量几多，牛肉正常，值得一赞系个蕃茄汤非常辣嘴， 够晒热😚 估唔到🍅同芫茜又夹㖞， 🍅味道浓沃，唔系重口味死咸𠮶只👍生滚西洋菜双丸粥+半条油条粥底咸香几滑，鲮鱼头丸几实在、爽口， 没有腥味👍 另一款应该系猪肉丸，食落比较粉😆西洋菜好新鲜、爽口清甜，落多少少就好啦😚炸肠必叫， 肠粉皮薄身， 油炸鬼香脆，够晒热气😚手抓饼饿底朋友口痕，叫多样野食，四款配料任选两种，芝士同蛋是不二之选，虽然跟台湾没法比， 但都👌👩‍⚖ 都有段时间冇嚟，食物多元化咗, 搬咗新店，升级用ipad点餐，虽然姐姐操作有啲唔顺手😆