Crust Italian (和昌大押) (已結業)

逾百年历史既和昌大押系湾仔其中一橦标志建筑，而系地铺进注左一间无论装潢定食物都高质素既意大利菜- Crust Italian。除左单点餐牌上意粉、pizza等菜式，逄星期二晚仲有任食生蚝既海神之夜Oysteria Night，啱哂我地蚝怪夫妇！每位$688可以系120分钟内任食生蚝之余，仲附上唔同种类canapes，性价比高。同老公仲加左$150 Franciacorta DOCG free flow，微微烤面包香气同生蚝好配合首先上枱既系生蚝，每盘大概有6-7只，肉质都几饱满而且够新鲜，鲜甜得黎矿物味唔会太抢。生蚝order黎得几快，甚至有1,2次系店员主动refill，好贴心！除左最常见食法用鲜柠檬汁，呢度既mignonette醋汁亦好好味，推荐！意想不到南意海鲜盛宴Seafood Canapes放系一个蓝色珊瑚型托盘上枱，非常吸睛，内容亦好有诚意！最钟意甜菜根渍三文鱼生同青苹果吞拿鱼乳酪他他，用唔同食材提高海鲜本身鲜味。迷你莫札拉芝士鳀鱼沙律同香烤红酱八爪鱼串串就比较咸香味浓，仲有南意小食脆炸沙甸鱼仔，估唔到canapes都有咁多花款！