海膽仔

营业中

休息中

前排去咗启德块空地野餐，环境几舒服，野餐完去咗食晚饭，见airside嘅餐厅大多都系集团式多，价钱都偏贵，所以去咗新蒲岗个边揾嘢食，上网见呢间多人推介又几吸引，就入去试吓。一入门口已经见到有几个冻柜放咗海胆、其他刺身。三色迷你丼，$188，因为想试少少海胆，拣咗呢个样样试啲，3小杯分别有蟹膏蟹肉碎、海胆同葱拖罗粒，饭嘅份量3碗加埋都有平时食饭碗左右，海胆又未去到好甜，但都ok。反而个蟹肉有啲鲜味。鳗鱼便当定食，$128，呢个同我想像中嘅有啲出入…我以为系一碗鳗鱼饭再跟啲炸物小食，原来个饭只有好少，2啖就食哂…炸物同刺身唔错，鳗鱼饭就好普通。另外仲叫咗3串串烧：七味五花腩，和牛粒串，鸡肉大葱，味道不错。总结觉得刺身、生冷嘢做得比较好食，熟食就一般。