影片
更多
2022-09-15
262 浏览
好钟意食海胆，但系喺香港唔系咁易食到好正嘅海胆。 今晚就约咗一班好姊妹嚟一个海胆之夜~选定咗铜锣湾嘅U IZAKAYA，一出䢂就见到一张酒吧枱，调酒师喺度调制紧饮品。装修高格调，我哋拣咗坐梳化位，好舒适，啱晒我哋慢慢倾足一晚。烘烤过嘅竹炭面包，配上温热嘅香浓海胆酱，满满滋味。矶煮花螺平时我好少食，今日朋友叫到就即管试吓。细细粒，估唔到煮得好入味，配返一杯酒精饮品，nice！预先预订咗一板海胆，因为有优惠价，yeah~飞机货，未食就知正，我哋不断打卡影相。海胆刺身放喺青瓜片上面，再用玻璃杯装住上枱。 用紫菜包住嚟食，双种口感。海胆软滑鲜甜，质感细腻，入口即溶，齿颊留香。海胆军舰啲海胆多到满泻，一啖入口，好幸福呀！立鳞烧配海胆酱将鱼块炸到鱼鳞企起，变成脆皮咁，连鱼鳞都可以食埋呀。 酥！香！脆！ 本身已经好美味，加上海胆酱，又系一道海胆美食。海胆鱼子酱带子意粉意粉份量唔算多，加咗海胆酱去煮，好惹味。 上面铺上一层煎带子、一层海胆再加上黑鱼籽，太丰富。海胆雪糕先试一啖，香滑甘甜，食落海胆味好浓郁。我自己就钟意夹埋饼壳一齐食，变成一个夹饼咁样嘅「最中饼」。店员服务亲切有善，食物水准高，掂呀，有机
选定咗铜锣湾嘅U IZAKAYA，一出䢂就见到一张酒吧枱，调酒师喺度调制紧饮品。
装修高格调，我哋拣咗坐梳化位，好舒适，啱晒我哋慢慢倾足一晚。
烘烤过嘅竹炭面包，配上温热嘅香浓海胆酱，满满滋味。
矶煮花螺
平时我好少食，今日朋友叫到就即管试吓。细细粒，估唔到煮得好入味，配返一杯酒精饮品，nice！
预先预订咗一板海胆，因为有优惠价，yeah~
飞机货，未食就知正，我哋不断打卡影相。
海胆刺身
放喺青瓜片上面，再用玻璃杯装住上枱。 用紫菜包住嚟食，双种口感。海胆软滑鲜甜，质感细腻，入口即溶，齿颊留香。
海胆军舰
啲海胆多到满泻，一啖入口，好幸福呀！
立鳞烧配海胆酱
将鱼块炸到鱼鳞企起，变成脆皮咁，连鱼鳞都可以食埋呀。 酥！香！脆！ 本身已经好美味，加上海胆酱，又系一道海胆美食。
海胆鱼子酱带子意粉
意粉份量唔算多，加咗海胆酱去煮，好惹味。 上面铺上一层煎带子、一层海胆再加上黑鱼籽，太丰富。
海胆雪糕
先试一啖，香滑甘甜，食落海胆味好浓郁。我自己就钟意夹埋饼壳一齐食，变成一个夹饼咁样嘅「最中饼」。
店员服务亲切有善，食物水准高，掂呀，有机会一定要再嚟！
张贴
