S2 Kitchen (已搬遷) 新店位置

话说前排食咗个海胆杯，念念不忘~于是上网睇香港仲有边一间海胆杯好食~发现原来我之前食𠮶间念念不忘~就系中环呢间S2 Kitchen旗下架~咁近我~当然即刻行动啦~门口好细~有个大大嘅日本灯笼~真系似足日本居酒屋感觉~店内环境日本风情得嚟又好别致~店员安排我哋坐Bar枱~可以望住师傅制作食物~打开Menu~有呢个乐师博六大创作推介~我哋决定叫晒佢嚟食~首先就系 杨枝甘露沙津~一开头以为系薯仔丝~原来系苹果丝~好爽口~苹果嘅微酸带出芒果嘅甜味~简单得嚟又好好味~再嚟系 芝士年糕~表面硬硬哋~咬落入面好林~芝士流出~不禁咁想即刻将成旧放入口~好味道接著就系 十层海胆杯~同之前念念不忘嘅海胆杯唔同~店员细心讲解应该点食~首先用面层块烧白饭鱼脆片一齐食咗黑鱼子,海胆同海葡萄先~再慢慢品尝每一层~但我系一次过"不"晒咁多层嚟食~正呀跟住系 S2特色海胆火焰卷~好好味~海胆同沙律酱好夹~完全唔觉得熟咗海胆嘥咗~超赞啊~海胆烧岩蚝~又系海胆呀~生蚝加上海胆,再加蟹籽~呢个配搭系无敌架~好好味~清酒鲍鱼鸡翼~将只清酒鲍鱼酿入鸡翼里面~有浓烈𠮶清酒味~又几特别㖞~雪海板上飘~充满仙气嘅海胆冷面~个汁系柚子