四季文昌 (已結業)

之前都食过四季文昌，都知道食物嘅质素高质，今次再同老公去食，水准依然都保持到同埋我哋都有试新野我哋两个人就叫咗半只鸡，汤底好清甜，系用椰子水㗎，老公就觉得啲鸡肉好滑我自己就钟意个牛肉拼盘，牛肉味重，特别系牛柳粒，好有惊喜，本身以为煮得耐会硬，点知完全唔会老公就觉得个牛颈脊最好食，除咗肉味够重之外，又有咬口，啱晒佢呢个食肉兽紫菜响铃都劲正，两样都系我最钟意嘅嘢食，而且份量唔细，煮到啱啱谂就最好食另外个水饺好足料，入边好大只虾，又有猪肉，我一个人都食咗两粒福袋入边原来系猪肉碎，未有太大惊喜温室豆苗成个盆栽甘上，当自己系农夫喺度收割豆苗再煮住黎食，都几好玩最最重点嘅系佢新出咗个海胆煲仔饭，唔好讲笑真系成版海胆甘上，加啲豉油再捞匀黎食，食到有淡淡的海胆味，真系第一次咁食最后我哋like个Facebook，有得送椰青雪糕，入边仲要有椰子肉，送嘅雪糕都咁出色，值得一赞我哋一人叫咗一个沙冰，夏天饮就最啱啦，个人就觉得西瓜冰好饮啲，椰子冰入边呢食完可以再食埋入边嘅椰子肉