御の味 (已結業)

前几日同朋友庆祝生日，梗系同佢食返餐好㗎啦！去咗湾仔揾高级日本餐厅，我哋𠮶日太迟book位所以冇坐到吧枱，虽然冇得见到啲寿司师傅点样整寿司，成个环境都好宁静好舒服。我哋就嗌左一个二人餐，前菜系螺，食落去味道唔会好浓，好适合开胃。之后就梗系呢个主打嘅刺身啦，佢用咗秋叶来做主题，除咗有秋叶配搭之外成个颜色都配搭得好好。啲刺身食落去都好新鲜，非常之享受。之后当然有三贯寿司啦，寿司饭整得啱啱好，唔会好硬或者太软，而且寿司都系暖暖地，米饭入边嘅醋好入味。二人套餐入边亦都有和牛，食落口真系有入口即溶嘅感觉，而且个酱调得好好味，虽然好浓但系又唔会好黏身𠮶种。而且肉质脂肪比例分配得好好，唔会觉得好油腻。对我来讲最有惊喜嘅就梗系佢呢个海胆蒸蛋啦！首先佢想嘅海胆好鲜甜，唔系好好苦𠮶种。而且个蒸蛋蒸得啱啱好，入面好足料。而最后嘅晚餐当然附送左甜品啦，佢嘅红豆雪糕食落去牛奶味好重，而且个梨都好甜！