影片
更多
2023-10-21
37 浏览
今晚去左一间主打食海胆既日式居酒屋, 日本料理居酒屋当然唔少得寿司, 刺身, 而且呢度仲有其他西式料理, 样样都想试. 里面西式装修, 气派不凡, 可以选择坐西式吧台, 仲有户外露天座位, 感觉悠闲.活生蚝刺身西班牙银堡, 加拿大Galliano, 美国黄宝石, 法国圣马田西班牙银堡带微微金属铁锈味, 海水味浓加拿大Galliano亦带有海水味, 容易入口, 质感Creamy, 肉质肥厚爽口油甘鱼薄切刺身配无花果松露油第一次呢个配搭, 油甘鱼鲜甜, 配甜甜酸酸既无花果, 口感好独特, 一试难忘松叶蟹肉手卷蟹肉配蟹膏, 双重蟹味, 味道鲜甜浓郁, 配埋脆身紫菜, 置身海洋既味道呢度既串烧都烧得好有水准, 每串既生熟程度啱啱好, 酱料仲好特别.黑烧羊西冷, 绝对唔膻, 肉质好冧, 配特制黑芝麻酱Wasabi横隔肌, 牛味浓, 肉质同样好冧, 个人认为牛肉其实配wasabi系绝配紫苏鸡皮虎虾串, 烧到超级脆既鸡皮, 包住虎虾, 估唔到咁好食, 净系块鸡皮都已经赞不绝口, 鸡味浓, 而且将虾既鲜味保留住苹果豚肉卷, 豚肉冧, 入面苹果吸收晒豚肉同豚汁既精华, 食多几串都无问题海胆酱烧半壳蚝,
今晚去左一间主打食海胆既日式居酒屋, 日本料理居酒屋当然唔少得寿司, 刺身, 而且呢度仲有其他西式料理, 样样都想试. 里面西式装修, 气派不凡, 可以选择坐西式吧台, 仲有户外露天座位, 感觉悠闲.
活生蚝刺身西班牙银堡, 加拿大Galliano, 美国黄宝石, 法国圣马田
西班牙银堡带微微金属铁锈味, 海水味浓
加拿大Galliano亦带有海水味, 容易入口, 质感Creamy, 肉质肥厚爽口
油甘鱼薄切刺身配无花果松露油第一次呢个配搭, 油甘鱼鲜甜, 配甜甜酸酸既无花果, 口感好独特, 一试难忘
松叶蟹肉手卷蟹肉配蟹膏, 双重蟹味, 味道鲜甜浓郁, 配埋脆身紫菜, 置身海洋既味道
呢度既串烧都烧得好有水准, 每串既生熟程度啱啱好, 酱料仲好特别.黑烧羊西冷, 绝对唔膻, 肉质好冧, 配特制黑芝麻酱
Wasabi横隔肌, 牛味浓, 肉质同样好冧, 个人认为牛肉其实配wasabi系绝配
紫苏鸡皮虎虾串, 烧到超级脆既鸡皮, 包住虎虾, 估唔到咁好食, 净系块鸡皮都已经赞不绝口, 鸡味浓, 而且将虾既鲜味保留住
苹果豚肉卷, 豚肉冧, 入面苹果吸收晒豚肉同豚汁既精华, 食多几串都无问题
海胆酱烧半壳蚝, 烧完都系咁creamy既蚝, 配上火炙海胆, 睇到都流晒口水
海胆茶碗蒸鸡蛋蒸到超级嫩滑, 配上海胆同鱼籽, 简单高贵, 无需任何调味, 一啖混合三种口味, 满足!
立鳞烧配海胆汁呢个菜真系尽显厨师既功艺, 立鱼肉质鲜嫩, 味道浓, 鱼皮炸到非常脆身, 片片鱼鳞都炸到竖起,
食到片片鱼鳞都炸到通透, 入口松化, 配埋海胆汁, 极品!
波士顿龙虾伴海胆酱呢个龙虾真系极品中既极品, 全只起肉再用海胆汁烹调, 件件虾球都充满海胆汁, 连虾钳完整都去壳, 啖啖肉, 爽口鲜味, 再伴上海胆汁!
海胆雪糕印象中第一次食海胆雪糕, 无法想象海胆可以制作成雪糕, 甜甜微咸, 味道独特, 海胆控必定要试!
Sweet Land成份有菠萝汁, 青柠糖水, 雪碧, 味道清新香甜
张贴
