S2 Kitchen (已搬遷) 新店位置

话说S2 Kitchen之前已经听朋友讲咗，话果度d海胆料理好好味， 身为海胆控的我紧系会嚟试一试啦！同朋友两人嚟食，首先叫咗个牛油果帆立贝洋风海胆沙津我想讲话海胆同牛油果一整放入口中果下，真系好味到不得了，而且帆立贝好鲜甜，几种食材放在一起，原来系咁好味的！再嚟叫咗个招排菜 - 十层海胆杯进化版材料多到不得了，有我平时好时食的黑鱼子、必定出现的海胆，肥美的吞拿拖罗蓉、邪恶的三文鱼子、清甜的白虾、好味的松叶蟹肉、脆卜卜的海葡萄，一羮一羮咁食落去，真系好味到呢！之后食芝士年糕第一次食呢种脆皮的，外皮脆脆的，内里糯糯的！仲有呢个柠檬酸汁日本水母，即系平时叫海蜇果d，都好爽口！呢个清酒鲍鱼鸡翼，真系超超超级好味，系里面的鲍鱼有好明显的清酒香！呢个平时好少食到的特上吞拿鱼脑天，入口即溶，齿颊留香，真系超级超级好食！肥美的海胆烧岩蚝，上面有大大块的海胆加埋大大只的蚝，食落去果种满足~~~想食下寿司，就叫咗三文鱼夹饼创作寿司嚟试下，果然系有创意，而且好好味！又叫咗d串烧(蕃薯、牛舌、鸡软骨)，味道都唔错！大食的我，仲未够饱，叫多过S2特色海胆火焰卷，侍应会问几时要点火就叫佢，真系好特别下面有火烧住