S2 Kitchen (已搬遷) 新店位置

自从上次食完海胆杯之后，就好想再揾多啲唔同食海胆既舖头试下，上网search揾到呢间中环既餐厅，收工就去咗呢间食。餐厅系石板街既侧边，门口挂住好多居酒屋灯笼。呢度都有个海胆杯($398)，今次感觉仲劲过上次，系有成十层，忍唔住叫咗嚟试下。佢有好几种唔同既海胆系入面，仲有鱼子、带子等等，店员都有介绍返，好好食，啲海胆好新鲜，味道非常鲜甜。呢度都有个青苹果蟹籽沙律($88)，叫咗个嚟开下胃。朋友叫既芝士年榚($48)，佢有加多咗块紫菜包住嚟食，朋友话好钟意，因为嚟到仲系热，而芝士味又唔会太腻。叫咗两个卷物嚟试下，见系招牌菜，就嚟咗呢个先，S2特色海胆火焰卷($128)，上面有带子、海胆同蟹籽，本身已经有烧咗小小，放低咗之后职员仲会再系我地面前再烧一次，热热既带子加海胆味好正！三文鱼夹饼创作寿司（$68两件)，第一次见有呢种夹饼寿司，上面有好多沙律酱，个夹饼应该系鱼烧片嚟，食落去好香脆，味道都好夹。清酒鲍鱼鸡翼($78)，饱鱼好大粒已经包咗系鸡入面，无骨咁食，鸡肉都好滑。海胆烧岩蚝($98)，啲cream加埋好香甜！最后都食埋个甜品先走，职员话呢个海胆雪榚系独家入，山面揾唔到，食落去有啲盐盐