OMG Chicken (已結業)

放假去将军澳海滨散下步，唔讲唔知开咗咁多食肆！系donki嘅商场出面有一列商店，抱住八卦心态行入d，见到一间omg chicken 门口挂住只尖叫鸡咁有趣，就吸引咗我去食。店内整洁，光线充足，有单人吧枱，够哂私隐。自家制烧烤酱半只烧鸡鸡肉嫩滑多汁，份量偏小，烧烤酱浓郁入味。OMG pizzapizza十分惊喜，饼底松软得黎又有咬口。水牛芝士份量足，外卖虽然冇拉丝，但相信堂食热辣辣味道更佳。鸡肉同车厘茄配搭天衣无缝！炸鸡软骨，唐扬脆炸鱿鱼，薯条炸物因为外卖关系所以口感欠佳，但粉酱薄，味道正常，值得堂食再试！饮品只有汽水和橙汁，建议可以提供更多选择。