相馬日式火鍋 (已結業)

今日同男朋友系西营盘呢间相马食晚餐，食得非常之丰富豪华。大部份嘢都系任食，任食大闸蟹，任食海鲜，任食火锅材料，任食串烧炸物，任食甜品，好多好多嘅任食。大闸蟹就系呢个时候食最正，蟹膏又多又甜，橙黄色嘅蟹膏非常吸引，点都要食多几只。海鲜除咗大闸蟹之外，仲有一个海鲜蒸锅，虽然冇得任食，但份量都好足够，带子，虾，水鱿鱼，鲍鱼，蟹棒，青口，用蒜蓉清蒸好好味！火锅汤底系胡椒花胶鸡汤，汤底唔会太浓味，用嚟打边炉都唔会抢咗火锅材料嘅鲜味，汤底足料有新鲜，冇落味精嘅当汤饮都一样咁健康。火锅当然系用嚟食肉同食菜啦！豚肉，鸡肉，牛肉，生菜，冬菇，豆腐，食到舔舔脷小食亦非常丰富，有炸墨鱼丸，炸蟹籽丸，炸牛丸，午餐肉，翠玉瓜，炸韭菜肥牛串，好多都系新鲜炸出嚟！