影片
更多
2019-12-17
609 浏览
周末想打边炉，但一般火锅感觉热气，两个人能吃的也不多，人均消费也较高，在openrice找到这间粥底海鲜火锅，感觉有特色，而且明码实价每人$198，所以就立即网上订位。食物： 一开始系先用粥水煮七款指定海鲜，全部都好新鲜，上桌时鲍鱼仲郁紧，肉蟹多肉有膏，蚬类干净无沙，按指定时间煮嘅话真系刚刚好，好有鲜味。之后系煮六款自选𩠌（经openrice订有七款），特别推介肉地嫩滑嘅滑鸡、弹牙爽口嘅墨鱼滑、平日鲜见嘅鸭肉丸；另外同时会加啲额外嘅蔬菜配料，如南瓜、芋头、粟米。食完所有𩠌之后就会加粥胆、菜甫、芫茜、鸡蛋，因为之前嘅粥水煮过海鲜，所以感觉真系鲜甜啲，而且加菜甫实在系画龙点睛！另外叫咗一渣$48罗汉果茶，味道正常，但夹海鲜就好似有啲怪。其他：之前见到其他网上评语，所以已有心理准备是街坊小店，环境较挤拥，唔适合情侣浪漫dinner或朋友聚会久坐；我之前反而对服务和食物份量有少少担心，但幸好都不是问题。服务方面合格，一坐低伙记会问你食过未、知唔知流程，煮海鲜嘅时候会帮客人放海鲜和提醒计时，煮粥时会问有无咩配料唔食、钟意稀粥定杰粥, etc. 而且佢哋好留意各枱食到边个环节，到时到候会上下一轮菜
食物：
一开始系先用粥水煮七款指定海鲜，全部都好新鲜，上桌时鲍鱼仲郁紧，肉蟹多肉有膏，蚬类干净无沙，按指定时间煮嘅话真系刚刚好，好有鲜味。
之后系煮六款自选𩠌（经openrice订有七款），特别推介肉地嫩滑嘅滑鸡、弹牙爽口嘅墨鱼滑、平日鲜见嘅鸭肉丸；另外同时会加啲额外嘅蔬菜配料，如南瓜、芋头、粟米。
食完所有𩠌之后就会加粥胆、菜甫、芫茜、鸡蛋，因为之前嘅粥水煮过海鲜，所以感觉真系鲜甜啲，而且加菜甫实在系画龙点睛！
另外叫咗一渣$48罗汉果茶，味道正常，但夹海鲜就好似有啲怪。
其他：
之前见到其他网上评语，所以已有心理准备是街坊小店，环境较挤拥，唔适合情侣浪漫dinner或朋友聚会久坐；我之前反而对服务和食物份量有少少担心，但幸好都不是问题。
服务方面合格，一坐低伙记会问你食过未、知唔知流程，煮海鲜嘅时候会帮客人放海鲜和提醒计时，煮粥时会问有无咩配料唔食、钟意稀粥定杰粥, etc. 而且佢哋好留意各枱食到边个环节，到时到候会上下一轮菜、主动收碟。
至于份量，我地一人大食一人细食，拉匀系食得饱嘅。海鲜同配料嘅份量应该系按人头计，粥底我就唔肯定，因为我地两个人都有一煲粥，若果四个人嘅话唔知会唔唔会大煲啲？但以每人$198，有鲜味海鲜、特色粥底来说，个人觉得价格几合理，不妨一试。
张贴