野川拉麵の深燒食堂

营业中

休息中

呢几日好冻，突然之间想食串烧同打边炉，见到餐牌啲相都好吸引，所以就去试下。大头虾 $28大头虾只只都好大只，而且外面洒咗一层海盐先至烧，食啰鲜味十足。只虾个肚度仲有满满嘅虾子，见到嘅时候真系好惊讶，因为好少喺出面见到会有虾子嘅烧虾。食落啖啖肉。好味！A4日本和牛 $148A4和牛都烧得好出色，大约五成熟，食落唔韧，好滑，好香牛味。蒜蓉烧扇贝 $28扇贝上面铺咗超级多蒜蓉，钟意食嘅一定食得好满足，而且蒜蓉仲烧到金黄色，一摆上枱就超级香。脆脆鳗鱼串 $42鳗鱼唔系已经铺咗酱汁嘅𠮶啲，系烧白鳝，所以鱼嘅鲜味仲保留住，而且鱼皮非常Q弹，有满满嘅鱼油。牛油蒜蓉焗蚬 $68啲蚬份量都好多，而且粒粒都好大只，蚬肉亦都好Q弹鲜味，呢个一定要趁热食！香蒜大茄烧 $38 呢个茄子烧喺餐牌见到相嘅时候就已经好想食。佢系原条茄子上面加咗蒜蓉，食落茄子肉腍晒而且保留住好多茄子嘅水份，食落好好味。软壳蟹天妇罗 $ 72呢个一碟有两只软壳蟹，切开一半，四个人一人一旧啱啱好。软壳蟹出面嘅粉浆唔会好厚，而且食落香脆。