Shine (已結業)

经过附近一头，谂起上次黎呢度食过一次都唔错，今晚再黎食下先。🐥香草孜然单骨鸡翼 $48 表层撒上黑芝麻，令整体更香口。🦀🍍黄金蟹饼配菠萝莎莎 $118外层系吉列炸皮，里层满满蟹肉，外脆内软，旁边的菠萝莎莎好清新。🥩🧀烧澳洲M4和牛薄切 $168之前黎都食过一次，肉质软淋，配上黑醋、薄片芝士、火箭菜，层次感高，味道不错，但今次份量比上次少左🤔。🦑🦐海鲜墨汁意大利饭 $188海鲜材料都几丰富，鱿鱼份量多。带子尤其好食，煎得够香，口感刚好。虾都要一赞，新鲜弹牙，连青口都好香好味道。意大利饭软硬度适中，墨鱼汁味香浓突出，如果有得转意粉就very good。🍏🍎玫瑰苹果金宝 $78呢个真系惊喜，上次一直想叫，但朋友话太饱先无食到。估唔到会加干冰上枱，烟雾弥漫过后就系期待已久的甜品😍。青苹果片干身左d，最中意食中间芯既苹果果肉，整体都好好味。🥝Yogurt-Kiwi $58 叫左走cream，酸酸甜甜都几好饮，而且表层既奇异果肉系甜。