JK Brother's Gold (已結業)

海鲜自助捞放题～任饮任食两个钟！有海鲜，肉类，刺身，烧烤，炸物，火锅配料同雪糕以及各式甜品！🔸 海鲜选择有大头虾，沙白，圣子，牛奶蚬，青口，螺！全部都系自己夹，随便捞！各样海鲜都十分鲜美，大头虾满满虾膏；牛奶蚬同沙白，十分饱满鲜甜；圣子虽然比较细，但系肉身紧实！活海鲜，无死霉霉👍🏻🔸肉类猪肉羊都有，比上不足，比下有余😅🔸刺身选择比其他日式放题少，但质量ok！比较钟意嘅系酱油虾同酱油鲍鱼，腌制得几好！鲜甜，唔会死咸😋🔸火锅配料各式丸类，但蔬菜比较少选择，青菜只有生菜🥬🔸 炸物吉列炸蚝，炸蟹钳，炸带子，炸芝士，中规中矩，都系攞货款式。🔸 烧烤烧鸡翼，烧大头虾，烧菠萝！烧大头虾几惹味，而烧菠萝又解解腻！🔸甜品可以自己即制waffle ，另外有雪糕，雪条选择丰富！由于太饱，食唔得多，所以同朋友一齐分享个海盐味雪糕，微甜，几特别！总括🔹大概$370一位（连加一）如果系海鲜爱好煮就几值得一试。如果唔系，可能呢个价钱就可以有其他更好嘅放题选择。