一鍋瘋 (已結業)

主打海鲜火锅，我地一行4人，2个对海鲜麻麻，问左可以转肉拼盘，所以我地叫左一半海鲜一半肉。蕃茄汤底劲浓，椰青好清，药膳汤就怪怪地。 上左海鲜先，2人份量，睇落去唔算好多，但真系坚新鲜，d虾会跳所以要用个碗吸住，有1只放落汤时都跳走左😂。 每人半只蟹，另外仲有好多贝类，d肉仲会走出黎，新鲜到吓亲我😅跟住肉拼盘都黎啦，每人一碟肉 (猪牛各有6-8块), 同一碗菜+丸，好大碗呀，咩都有d, 呢个应该1人食都未必食得晒，好满足。食完佢仲问要唔要煮粥，会放d蕃薯粒同芋头粒落去煮一阵先，跟住佢会拎去加d粥煮，我地用左椰青汤底煮，几好食。服务都好好，家庭式经营，好有人情味既小店。