鍋卷鳴門 (已結業)

简直系心中No. 1海鲜放题，今次我哋系平日午市2人，OpenRice 订位有8折，埋单$1058。海鲜全部都系鲜活，有赖尿虾，蟹，虾，鲍鱼，贝类，自己夹，不过个桶有啲细，而且每台得一个筒，所以建议一开始夹多几转煮咗，先慢慢食。水缸啲水目测干净，赖尿虾同虾好生猛，鲍鱼劲大只。至于好味程度就中上，赖尿虾有水缸啲水味，但都理解到，因为即捞即煮，鲍鱼记得清理好内在先食，内脏有好多粉红色饲料未消化完，但肉质鲜美，大啖肉咁食鲍鱼真系好爽。花蟹（同赖尿虾一样都只有公）不过啲蟹实肉，蟹肉又嫩又甜。虾同贝类就同其他餐厅一样，正常水准。建议用蕃茄汤底，可以盖过水缸啲水味。由于全程专注于海鲜，刺身只试过三文鱼，感觉一般， A5和牛正常水准，没有惊艳之处。另外有出面一堆菜，丸，粉面，但就一定唔会试啦。饮品几乎全部有气饮品，只有红茶无气。雪糕有雀巢甜筒，石板街，阿波罗雪糕，雪糕三文治， Häagen-Dazs，Movenpick，Dreyers，认真齐全。美中不足嘅就系得90分钟，食得好赶，晚市好似有120分钟，不过强烈建议大家平日午市，因为几乎冇人，我同朋友两个人，食到尾声先至有第二枱客，估计晚市劲多人，夹