金滿膳燒味餐室 (已結業)

今日老公生日，佢话要食海鲜。同佢去金满膳庆祝，又啤一啤佢，金满膳系牛头角牛头角道357-375号仁安大厦地下，有烧味，海鲜，串烧，炒粉面饭食。佢地D烧味系自设工场烧，有品质保证！不过今日就食海鲜生日饭啦，下次再食过烧味。今餐生日饭食左3个海鲜，有原只生蚝🦪 、麻辣小龙虾和开心花甲粉。 🦪生蚝连壳用蒜蓉同辣椒蒸，再洒上葱花，好味又好睇，食得出D生蚝系新鲜的，正！🦞麻辣小龙虾，有好多只，小龙虾啖啖肉，麻辣汁够惹味，小龙虾吸收晒啲麻辣汁，未食都流口水呀🤤食得辣的朋友，用D汁捞饭一流呀！花甲粉有粉丝，金针菇，当然仲有主角花甲啦！花甲就用蒜蓉和辣椒做调料，所有材料包晒入钖纸再拎去焗，一打开就有好香蒜味，闻到都好香。加左辣椒有小小辣，所以好惹味。食咁多海鲜，食番个菜清下肠胃，叫个锡纸焗娃娃菜啦！娃娃菜用蒜蓉调味，包晒所有材料入去焗，打开个刻有好香的蒜味涌出来，好香呀！