影片
更多
2017-05-04
208 浏览
#美棋B餐 - 热辣辣嘅夏天当然系食冻冰冰刺身、生蚝最好嘅季节啦！今次要介绍嘅系海鲜生蚝专门店、仲有海胆vs海胆雪糕大比拼餐厅： 蚝湾Oyster cove 地点：尖沙咀嘉兰围3号地下5-6舖「美」芝莲指数：⭐️⭐️⭐️⭐️⭐️（5星最高）价钱：HKD 400+/👤 推介食物： ⭐️除非你系对生蚝有好深嘅研究，如果唔系嘅话，我建议大家点精选生蚝（24只，$718）：由厨师发板安排时令嘅2-4款生蚝，由淡味到浓味，今次我地试到嘅有法国有南非！听说如果岩岩开始食蚝，南非蚝系一个好选择，因为味道同海水味唔会太浓，而且入口都算creamy !而法国嘅蚝，裙边同蚝身都会比较爽口，但系海水味会比较重，只不过个after taste 又会有d回甘，所以都好视乎个人喜好嘅☺️⭐️红虾刺身（$78/只）：平时好似比较小机会会食到嘅虾，虾身爽口弹牙，但精髓在于虾头，因为虾膏好鲜味😋⭐️Scampi 又名新西兰深海小龙虾（$78/只）： 呢种虾嘅味道相比红虾就比较淡身，但系肉质就更爽更弹，同样地，虾头都系精髓所在，记得啜埋d膏呀😆⭐️法国BB虾（$68/6只）：呢个不得了，估佢唔到，味道同一般虾刺身唔同，咸咸地又有鲜味，虽然
热辣辣嘅夏天当然系食冻冰冰刺身、生蚝最好嘅季节啦！
今次要介绍嘅系海鲜生蚝专门店、仲有海胆vs海胆雪糕大比拼
餐厅： 蚝湾Oyster cove
地点：尖沙咀嘉兰围3号地下5-6舖
「美」芝莲指数：⭐️⭐️⭐️⭐️⭐️（5星最高）
价钱：HKD 400+/👤
推介食物：
⭐️除非你系对生蚝有好深嘅研究，如果唔系嘅话，我建议大家点精选生蚝（24只，$718）：由厨师发板安排时令嘅2-4款生蚝，由淡味到浓味，今次我地试到嘅有法国有南非！听说如果岩岩开始食蚝，南非蚝系一个好选择，因为味道同海水味唔会太浓，而且入口都算creamy !
而法国嘅蚝，裙边同蚝身都会比较爽口，但系海水味会比较重，只不过个after taste 又会有d回甘，所以都好视乎个人喜好嘅☺️
⭐️红虾刺身（$78/只）：平时好似比较小机会会食到嘅虾，虾身爽口弹牙，但精髓在于虾头，因为虾膏好鲜味😋
⭐️Scampi 又名新西兰深海小龙虾（$78/只）： 呢种虾嘅味道相比红虾就比较淡身，但系肉质就更爽更弹，同样地，虾头都系精髓所在，记得啜埋d膏呀😆
⭐️法国BB虾（$68/6只）：呢个不得了，估佢唔到，味道同一般虾刺身唔同，咸咸地又有鲜味，虽然细细仔，但系肉质好结实，听讲法国人当花生咁食😂
⭐️车厘蚬（$38/只）：呢个有惊喜，肉质原来系咁爽口同埋好厚身，而且仲好鲜甜👍🏻
⭐️韩国VS加拿大海胆（$168/板）：韩国海胆系细细块细细块，但我平时好怕食韩国海胆，因为市面上质量都唔多好，不过今次食又几好㖞，证明呢度入嘅货又几OK㖞，新鲜鲜甜嘅👍🏻
加拿大海胆就比较大块，味道比较浓郁，好有口感架😋
P.s. 唯一美中不足，今次北海道原只海胆返唔切货😫试唔到，我强烈建议大家试到一定要试！
⭐️龙虾两食($488) : 1. 龙虾刺身 2. 龙虾意粉，真系要赞下个意粉，将食材运用得好好，成只龙虾钳起咗肉出黎烩意粉，令一啖意粉都有龙虾肉，而且佢个汁味道刚刚好，唔好太油腻👍🏻
⭐️安格斯肉眼沙律（$298）：选用质量好嘅肉眼扒，火喉控制得恰到好处，牛扒肉汁满满，再配上洋葱粒同黑椒汁又多咗份狂野😆
⭐️芝士带子意大利饭（small $218/regular $318)：哗，好靓! 厨师将带子放成一朵玫瑰花嘅样，未食就已经好满足，食完仲满足，因为呢个意大利饭虽然加咗芝士，但系一d都唔腻，食完一啖会有想食第两啖嘅冲动！赞！⭐️⭐️ 最特别嘅时刻黎啦！
海胆雪糕！无睇错，系海胆味嘅雪糕（$68）😱😱😱
餐厅用上牛乳雪糕做base, 加入新鲜嘅海胆碎做成呢个新奇嘅雪糕😂当然系雪糕上都有一块块嘅海胆同紫菜！ 师傅建议食呢个雪糕，每一啖雪糕就加少少紫菜咁食！好！有！趣！㖞！
真系好新奇，味道真心又唔错㖞！
大家知要去边度影相呃like啦🤗🤗😆
呢间餐厅用嘅食材都系新鲜严选，呢个质量配呢个价钱都系合理嘅😌 下次试下佢嘅online shop, 睇下系咪一样咁好质量先😆
不过想食海胆雪糕嘅朋友，去番门市食CP值会更高啦🤗
张贴
