影片
更多
2018-09-21
355 浏览
话说今日同朋友庆祝生日，朋友一向都钟意食海鲜，但普通炒𩠌又无乜特别，谂左好耐都唔知食乜好。偶然之间上网见到呢间主打海鲜蒸气锅嘅小渔港，有趣嘅系，佢嘅蒸气系玩omakase! 即系厨师发办呀，够晒惊喜又方便，唔洗谂呀嘛。当日好彩book左位，闲日现场都好full，walkin 都唔知有无位呀。入到去就当然直接叫个是日厨师精选套餐啦，$298一位 包两款刺身，八款时令海鲜，仲有个主食，睇到都觉得抵。咁岩老板过黎招呼，倾开计知朋友系海鲜痴，又咁岩生日，就推介左美国小蜜蜂龙虾刺身，话又大只又好食，仲要价钱超值咁话。平时食一食龙虾刺身，无$500以上都唔洗谂，呢只美国小蜜蜂龙虾刺身只系$298，仲要生猛系到跳，听到价钱即刻唔谂啦，要埋佢，生日食豪d！首先上枱，当然系呢只龙虾刺身啦，唔好讲笑，一黎到真系吓左跳，无谂过咁大只！岩岩上枱d龙虾脚仲郁架，非常新鲜。龙虾刺身肉质弹牙爽口，切到一粒粒，非常易食。而且味道略带微微柠檬清香，相信师傅系个面滴左少少柠檬汁，令龙虾鲜味更加突出。$298 有呢个咁高嘅质素，仲要新鲜即㓥，相信外面都难食到。老板推介果然无错，朋友一路食一路大赞，食得非常满足。食完龙虾刺身
话说今日同朋友庆祝生日，朋友一向都钟意食海鲜，但普通炒𩠌又无乜特别，谂左好耐都唔知食乜好。偶然之间上网见到呢间主打海鲜蒸气锅嘅小渔港，有趣嘅系，佢嘅蒸气系玩omakase! 即系厨师发办呀，够晒惊喜又方便，唔洗谂呀嘛。
当日好彩book左位，闲日现场都好full，walkin 都唔知有无位呀。入到去就当然直接叫个是日厨师精选套餐啦，$298一位 包两款刺身，八款时令海鲜，仲有个主食，睇到都觉得抵。
小蜜蜂龙虾刺身
$298
32 浏览
0 赞好
0 留言
咁岩老板过黎招呼，倾开计知朋友系海鲜痴，又咁岩生日，就推介左美国小蜜蜂龙虾刺身，话又大只又好食，仲要价钱超值咁话。平时食一食龙虾刺身，无$500以上都唔洗谂，呢只美国小蜜蜂龙虾刺身只系$298，仲要生猛系到跳，听到价钱即刻唔谂啦，要埋佢，生日食豪d！
小蜜蜂龙虾刺身
$298
92 浏览
0 赞好
0 留言
小蜜蜂龙虾刺身
$298
82 浏览
0 赞好
0 留言
首先上枱，当然系呢只龙虾刺身啦，唔好讲笑，一黎到真系吓左跳，无谂过咁大只！岩岩上枱d龙虾脚仲郁架，非常新鲜。龙虾刺身肉质弹牙爽口，切到一粒粒，非常易食。而且味道略带微微柠檬清香，相信师傅系个面滴左少少柠檬汁，令龙虾鲜味更加突出。$298 有呢个咁高嘅质素，仲要新鲜即㓥，相信外面都难食到。老板推介果然无错，朋友一路食一路大赞，食得非常满足。
食完龙虾刺身之后，就系今日戏肉海鲜蒸气锅！不过蒸海鲜之前，都要煮个粥底先。我地因为叫左龙虾，所以食完刺身就放个虾头落去煲粥，唔好浪费！
濑尿虾
13 浏览
0 赞好
0 留言
濑尿虾
19 浏览
0 赞好
0 留言
准备好个粥底，终于可以正式蒸海鲜。第一样登场嘅系濑尿虾!! 濑尿虾非常巨型，长度有手掌咁长身，肉质几结实，略带咸香，食落有虾肉嘅甜。完全不调味都能够食到海鲜嘅鲜，证明用料新鲜。我地一开始都唔知点开只濑尿虾，最后老板教我地中间剪开，成功原条拆肉，非常开心。
贝壳三宝 (马刀贝、番薯贝同圣子仔)
64 浏览
0 赞好
0 留言
之后呢我地蒸左贝壳三宝，今日三宝系马刀贝、番薯贝同圣子仔。马刀贝同番薯贝，我会认为系做出应有水准，有新鲜海鲜个阵咸水嘅鲜味，食落唔会老，肉质嫩身易咬。
圣子仔
32 浏览
0 赞好
0 留言
而个圣子仔就超班嘅，平时食圣子最怕老同难咬。呢个细细条一啖食晒，非常鲜甜，肉质爽口，令你对圣子完全改观，原来圣子唔调味都可以咁好食，惊喜十足。
草虾、鲍鱼同扇贝
54 浏览
0 赞好
0 留言
接住就蒸左草虾、鲍鱼同扇贝。草虾肉质结实，虾头略带虾膏，食落爽口虾味浓。鲍鱼系朋友非常满意嘅海鲜之一，大大只吉起食，肉质够实弹牙，但一d都唔韧，鲜味涌出。至于扇贝用上蒜蓉蒸，粉丝蒸到有少少干身，但吸晒d味，又好惹味。
黄花鱼
16 浏览
0 赞好
0 留言
然后系食黄花鱼，呢条鱼重心推介，一试难忘。我谂系出面叫蒸鱼都无可能食到咁滑身！鱼嘅熟度非常岩火候，食落带咸香，味似用盐先腌过，风干再拎黎蒸。鱼肉细致嫩滑，但唔会湿身，更能突显鱼嘅油香，看似平凡嘅鱼，非常不平凡！
重皮蟹
23 浏览
0 赞好
0 留言
重皮蟹
39 浏览
0 赞好
0 留言
仲未完呀，仲有蟹！而且非常好彩，两只都系重皮蟹，系硬壳下面仲有层软壳，非常好味。蟹肉鲜甜呢d就必然嘅事，但蟹膏可以咁多就认真难得，蟹膏味非常浓郁，啖啖都食到膏，真系食膏都食到好满足！
农家四宝同虫草花蒸鸡乌冬底
6 浏览
0 赞好
0 留言
食到呢到，其实都饱左7成，不过主食依家开始！农家四宝同虫草花蒸鸡乌冬底。农家四宝包括丝瓜、翠玉瓜、粟米同南瓜，味道就唔算太大惊喜，不过食得多海鲜都要食d菜。个细细粒嘅日本小蕃薯先系灵魂，食完菜食一粒，甜到入心，画龙点睛咁。 至于个虫草花蒸鸡乌冬底，乌冬尽吸鸡嘅精华，有d油都系咁话，非常滋味！而且鸡都嫩滑，少少饱都忍唔到口食多两旧。
小蜜蜂龙虾头粥
15 浏览
0 赞好
0 留言
黎到压轴好戏，龙虾头粥！粥本身已吸收左之前海鲜嘅精华，再加上龙虾头嘅膏同壳一齐煲，可以话全晚精华所在！粥底煲得非常绵，细致软滑，从粥底颜色都可以睇到有几浓郁，虽然一d调味都无落，但味道真系so rich so good，呢个粥系用时间去换来嘅美好，亦为呢餐画上完美句号。
朋友同我都一致认为，呢个餐非常超值同抵食，海鲜新鲜唔在讲，份量亦非常足，我地食左成3个钟先食完，保证食到满载而归，真系好满足！
张贴
